25

ഫി​ല​ഡ​ൽ​ഫി​യ: സെ​ന്‍റ് തോ​മ​സ് സീ​റോ​മ​ല​ബാ​ർ ദേ​വാ​ല​യ​ത്തി​ലെ സീ​നി​യേ​ഴ്സ് ഫോ​റം സം​ഘ​ടി​പ്പി​ച്ച മൂ​ന്നു​ദി​വ​സ​ത്തെ ഉ​ല്ലാ​സ​പ​ര്യ​ട​നം അ​തി​ൽ പ​ങ്കെ​ടു​ത്ത 29 പേ​രും ന​ന്നാ​യി ആ​സ്വ​ദി​ച്ചു.

മേ​യ് 28 മു​ത​ൽ 30 വ​രെ ജോ​യി ക​രു​മ​ത്തി​യു​ടെ നേ​തൃ​ത്വ​ത്തി​ൽ കെ​ന്‍റ​ക്കി​യി​ലെ വി​ല്യം​സ്ടൗ​ൺ, പീ​റ്റേ​ഴ്സ്ബ​ർ​ഗ്, ഒ​ഹാ​യോ​യി​ലെ സി​ൻ​സി​ന്നാ​റ്റി എ​ന്നീ പ​ട്ട​ണ​ങ്ങ​ളി​ലെ കാ​ഴ്ച​ക​ളും ഒ​ഹാ​യോ ന​ദി​യി​ലൂ​ടെ​യു​ള്ള കു​ളി​ർ​മ​ന​ൽ​കു​ന്ന ബോ​ട്ടു​യാ​ത്ര​യും സം​ഘാം​ഗ​ങ്ങ​ൾ​ക്ക് അ​ത്ഭു​ത​വും ആ​ന​ന്ദ​വും ന​ൽ​കി.

കു​റെ നാ​ളാ​യി മ​ന​സി​ൽ കൊ​ണ്ടു​ന​ട​ന്ന സ്വ​പ്‌​ന​ങ്ങ​ളു​ടെ സാ​ഫ​ല്യ​മാ​യി​രു​ന്നു പ​ല​രെ സം​ബ​ന്ധി​ച്ചും ഈ ​യാ​ത്ര. കെ​ന്‍റ​ക്കി എ​ന്ന പേ​രു കേ​ൾ​ക്കു​മ്പോ​ൾ മ​ന​സി​ൽ ആ​ദ്യം ഓ​ടി​വ​രു​ന്ന​ത് കെ​ന്‍റ​ക്കി ഫ്രൈ​ഡ് ചി​ക്ക​നും പ്ര​ശ​സ്ത​മാ​യ കെ​ന്‍റ​ക്കി ഡ​ർ​ബി കു​തി​ര​യോ​ട്ട​മ​ത്സ​ര​ങ്ങ​ളും ഓ​ജ​സും ആ​കാ​ര​ഭം​ഗി​യും ഒ​ത്തു​ചേ​ർ​ന്ന കു​തി​ര​ക​ളു​ടെ ഹ​ബ്ബും ലോ​ക​പ്ര​ശ​സ്ത​മാ​യ ബോ​ർ​ബ​ൺ വി​സ്കി​യു​മൊ​ക്കെ​യാ​ണു.

അ​മേ​രി​ക്ക​ൻ മു​ൻ പ്ര​സി​ഡ​ന്‍റു​മാ​രാ​യ എ​ബ്രാ​ഹം ലി​ങ്ക​ൺ, ജ​ഫേ​ഴ്സ​ൺ ഡേ​വി​സ്, ബോ​ക്സിം​ഗ് ഇ​തി​ഹാ​സം മു​ഹ​മ്മ​ദാ​ലി എ​ന്നി​വ​രു​ടെ ജ​ന്മ​സ്ഥ​ലം, ലോ​ക​ത്തി​ലെ ത​ന്നെ ഏ​റ്റ​വും വ​ലി​യ ബേ​സ്ബോ​ൾ ബാ​റ്റ് സ്ഥി​തി​ചെ​യ്യു​ന്ന ലൂ​യി​വി​ൽ ഇ​വ​യെ​ല്ലാം കെ​ന്‍റ​ക്കി​യി​ലാ​ണ്.

ധാ​രാ​ളം വി​നോ​ദ സ​ഞ്ചാ​രി​ക​ളെ​യും തീ​ർ​ഥാ​ട​ക​രെ​യും മാ​ടി​വി​ളി​ക്കു​ന്ന ഒ​രു സം​സ്ഥാ​ന​മാ​യി കെ​ന്‍റ​ക്കി മാ​റി​യി​രി​ക്കു​ന്നു. ഏ​ഴു അ​മേ​രി​ക്ക​ൻ സം​സ്ഥാ​ന​ങ്ങ​ൾ അ​തി​രി​ടു​ന്ന കെ​ന്‍റ​ക്കി​യു​ടെ കി​രീ​ട​ത്തി​ൽ ഒ​രു പൊ​ൻ​തൂ​വ​ൽ കൂ​ടി ചാ​ർ​ത്തി​ക്കൊ​ണ്ട് ബൈ​ബി​ളി​ൽ പ്ര​തി​പാ​ദി​ച്ചി​രി​ക്കു​ന്ന പ്ര​പ​ഞ്ച​സൃ​ഷ്ടി​യു​ടെ ര​ഹ​സ്യ​ങ്ങ​ൾ കു​ട്ടി​ക​ൾ​ക്കും മു​തി​ർ​ന്ന​വ​ർ​ക്കും ഒ​ന്നു​പോ​ലെ ആ​സ്വാ​ദ്യ​ക​ര​മാ​യ രീ​തി​യി​ൽ അ​നാ​വ​ര​ണം ചെ​യ്തി​രി​ക്കു​ന്ന പീ​റ്റേ​ഴ്സ‌്ബ​ർ​ഗി​ലെ ക്രീ​യേ​ഷ​ൻ മ്യു​സി​യം, മ​ഹാ​പ്ര​ള​യ​ത്തി​ൽ​നി​ന്നും നീ​തി​മാ​നാ​യ നോ​ഹ​യെ​യും കു​ടും​ബ​ത്തെ​യും ജോ​ടി​വീ​തം എ​ല്ലാ​ത്ത​രം ജീ​വ​ജാ​ല​ങ്ങ​ളെ​യും സം​ര​ക്ഷി​ക്കാ​ൻ ദൈ​വ​മാ​യ ക​ർ​ത്താ​വി​ന്‍റെ ക​ല്പ​ന​യ​നു​സ​രി​ച്ച് നി​ർ​മി​ക്ക​പ്പെ​ട്ട നോ​ഹ​യു​ടെ ഭീ​മാ​കാ​ര​മാ​യ പെ​ട്ട​ക​ത്തി​ന്‍റെ വി​ല്യം​സ്‌​ടൗ​ണി​ലു​ള്ള മോ​ഡ​ൽ എ​ന്നി​വ അ​ത്ഭു​ത​ത്തോ​ടു​കൂ​ടി​യ​ല്ലാ​തെ ന​മു​ക്കു കാ​ണാ​ൻ സാ​ധി​ക്കു​ക​യി​ല്ല.

ബൈ​ബി​ൾ ച​രി​ത്രം അ​നാ​വ​ര​ണം ചെ​യ്യു​ന്ന മാ​തൃ​ക​ക​ളും സൃ​ഷ്ടി​യു​ടെ മ​ഹ​ത്വം വി​ളി​ച്ച​റി​യി​ക്കു​ന്ന ഫോ​സി​ലു​ക​ളും പ്ലാ​ന​റ്റോ​റി​യം, ഏ​ദ​ൻ തോ​ട്ട​ത്തെ അ​നു​സ്മ​രി​പ്പി​ക്കു​ന്ന മ​നോ​ഹ​ര​മാ​യ പൂ​ന്തോ​ട്ട​ങ്ങ​ൾ, ഹ​രി​ത സ​സ്യ​ല​താ​ദി​ക​ൾ നി​റ​ഞ്ഞ ഗ്ലാ​സ്ഹൗ​സ്, ചി​ത്ര​ശ​ല​ഭ​ങ്ങ​ളു​ടെ മ്യൂ​സി​യം, ആ​നി​മേ​ഷ​ൻ തീ​യേ​റ്റ​ർ, കു​ട്ടി​ക​ൾ​ക്ക് ക​ളി​ക്കു​ന്ന​തി​നു​ള്ള സി​പ് ലൈ​ൻ, മ​ത്സ്യ​ങ്ങ​ളു​ള്ള താ​മ​ര​ക്കു​ളം, വി​ജ്ഞാ​ന​പ്ര​ദ​മാ​യ പ​രി​ശീ​ല​ന​ക്ലാ​സു​ക​ൾ എ​ന്നി​വ ക്രീ​യേ​ഷ​ൻ മ്യൂ​സി​യ​ത്തി​ന്‍റെ പ്ര​ത്യേ​ക​ത​ക​ളാ​ണു.

സ്കൂ​ൾ, കോ​ള​ജ് വി​ദ്യാ​ർ​ഥി​ക​ളും പ​ള്ളി​ഗ്രൂ​പ്പു​ക​ളും വി​വി​ധ സാ​മൂ​ഹി​ക​സം​ഘ​ട​ന​ക്കാ​രും ഫാ​മി​ലി​ഗ്രൂ​പ്പു​ക​ളും ദി​വ​സേ​ന ഇ​വി​ടം സ​ന്ദ​ർ​ശി​ക്കാ​നെ​ത്തു​ന്നു​ണ്ട്. ഇ​വി​ടെ​യു​ള്ള ജീ​വ​നു​ള്ള മൃ​ഗ​ങ്ങ​ൾ കു​ട്ടി​ക​ൾ​ക്ക് കൗ​തു​ക​മു​ണ​ർ​ത്തും.

ത​ങ്ങ​ളു​ടെ യാ​ത്ര​യി​ലെ ഏ​റ്റ​വും ഹൈ​ലൈ​റ്റാ​യ ഇ​നം 2016 ജൂ​ലൈ ഏ​ഴി​നു പൊ​തു​ജ​ന​ങ്ങ​ൾ​ക്കാ​യി തു​റ​ന്നു കൊ​ടു​ക്ക​പ്പെ​ട്ട വി​ല്യം​സ്ടൗ​ണി​ലെ ആ​ർ​ക്ക് എ​ൻ​കൗ​ണ്ട​ർ എ​ന്ന പേ​രി​ല​റി​യ​പ്പെ​ടു​ന്ന ക്രി​സ്റ്റ്യ​ൻ തീം ​പാ​ർ​ക്കി​ലു​ള്ള നോ​ഹ​യു​ടെ പെ​ട്ട​കം ആ​യി​രു​ന്നു എ​ന്ന് സം​ഘം പ​റ​യു​ന്നു.

ഉ​ത്പ​ത്തി​പു​സ്‌​ക​ത്തി​ലെ ഏ​ഴാം അ​ധ്യാ​യം ഏ​ഴാം വാ​ക്യം (7:7) അ​നു​സ്മ​രി​ക്കു​ന്ന​തി​നാ​യി​ട്ടാ​ണു 7/7 നു ​ഉ​ദ്ഘാ​ട​നം നി​ർ​വ​ഹി​ച്ച​ത്. ബൈ​ബി​ളി​ൽ പ​റ​ഞ്ഞി​രി​ക്കു​ന്ന അ​തേ അ​ള​വി​ൽ 510 അ​ടി നീ​ള​ത്തി​ലും 85 അ​ടി വീ​തി​യി​ലും 51 അ​ടി ഉ​യ​ര​ത്തി​ലും മൂ​ന്നു ഡ​ക്കു​ക​ളി​ലാ​യി ത​ടി​യി​ൽ മാ​ത്രം പ​ണി​തി​രി​ക്കു​ന്ന ലോ​ക​ത്തി​ലെ ഏ​റ്റ​വും വ​ലി​യ നി​ർ​മ്മി​തി​യാ​ണു കെ​ന്‍റ​ക്കി വി​ല്യം​സ്ട‌ൗ​ണി​ലു​ള്ള ഭീ​മാ​കാ​ര​മാ​യ നോ​ഹ​യു​ടെ പേ​ട​കം.

ആ​ർ​ക്ക് എ​ൻ​കൗ​ണ്ട​ർ കാ​ണാ​നെ​ത്തു​ന്ന​വ​ർ സ്വ​ന്തം വ​ണ്ടി​ക​ൾ അ​വ​രു​ടെ മെ​യി​ൻ പാ​ർ​ക്കിം​ഗ് ലോ​ട്ടി​ൽ പാ​ർ​ക്കു​ചെ​യ്തി​ട്ട് തീം ​പാ​ർ​ക്കി​ന്‍റെ ബ​സു​ക​ളി​ലാ​യി​രി​ക്കും പെ​ട്ട​ക​ത്തി​ന​ടു​ത്തേ​ക്ക് പോ​കേ​ണ്ട​ത്.

പെ​ട്ട​ക​ത്തി​ൽ പ്ര​വേ​ശി​ക്കു​ന്ന​തി​നു​മു​ൻ​പ് ഫാ​മി​ലി​ക​ളാ​യും ഗ്രൂ​പ്പു​ക​ളാ​യും ഫോ​ടോ​ഷൂ​ട്ടി​നു​ള്ള ധാ​രാ​ളം അ​വ​സ​ര​ങ്ങ​ൾ ഉ​ണ്ട്.